ضحية عملية تجميل: صديقها يتحدث عن تفاصيل وفاة التونسية كريمة الرايس



صديق #كريمة_الرايس يتحدث عن تفاصيل وفاتها أثناء عملية شفط الدهون في برنامج على راديو #ماد  :
 كريمة كانت تحضر في عرسها بعد شهر
شافت 3 طبة قالولها الmasse graisseuse مش برشا ما تتحملش العملية 
 هي قالت خن انقص شوية شحم بش روبة العرس تجي قدي
 العملية كانت متوقع 3 ساعات فقط لاخي هي قعدت 7 سوايع و احنا تحيرنا
الطبيبة ما حبتش تقابل العايلة ولا الأصدقاء
دخلت نص النهار العملية و السبعة متاع العشية قالولنا ماتت احنا شاكين توفات قبل
 المسؤول عن المصحة قال الي هي عملت 3 سكتات قلبية أثناء العملية
هي توا موجودة في مستشفى شارل نيكول قاعدين يقومو بالتشريح بش يعرفو سبب الوفاة
 كريمة تحب القيروان برشا خدمت معانا وقت القيروان تستغيث في أزمة الكورونا و عاونتنا في توفير أجهزة الأكسجين
 ما ثمه حتى تشفي من الإطار الطبي اما نحبو نعرفو الحقيقة و ناخذولها حقها
 الناس الي تكتب في الفيسبوك تستاهل تعمل في عملية تجميل نقلهم اذكرو موتاكم بخير ولي طاحت ورقتو لا يقدم ثانية لا يؤخر ثانية عمرها حضر الله يرحمها
أحدث أقدم